السلام عليكم
هكتب لأنى عايزه كده........
أه هكتب لأنى عايزه كده.....
و فيها ايه يعنى؟؟؟؟هو لازم الواحد يكون بيكتب لهدف معين....
مش قظدى انى مايبقاش عندى رساله عايزه اوصلها بس انا مش عايزه احدد هدف معين لكتاباتى....
انا عايزه اكتب لانى بحب اكتب سواء كتاباتى دى عجبت الناس او ما عجبتهمش عنها ما عجبتهم....
اخويا دايما يقولى اكتبى اللى انتى عايزه تكتبيه مش اللى الناس عايزه تقراه.....
و انا فعلا مقتنعه بده....
ايه اللى يخلينى اقعد افكر فى انا عايزه اكتب ايه....
مادام انا ماعنديش افكار مش هخترع افكار....
لو ماكانتش الكتابه نابعه من القلب و من عقل صافى عمرها ماهتبقى حلوه و مؤثره و عمرنا ماهنعرف نوصل فكرتنا لو كنا بنكتب من غير ماتكون الكتابات دى فعلا نابعه من داخلنا....
و حاجه بس احب اقولها لكل اللى هيقرأ الموضوع ده: عدد التعليقات اللى بتبقى موجوده فى اى موضوع مش مقياس لمدى اهميه الموضوع او مقياس لإعجاب الناس بالموضوع او وصول رساله الموضوع اليهم....
فى ناس عندها مزاج انها ترد فى المواضيع مش لشئ غير انها فاضيه و مش هاين عليها انها تدخل مدونه و تطلع من غير ما ترد فيها...
و يا ريت و احنا بنكتب مواضيعنا يبقى تركيزنا على الهدف من الموضوع مش هدفنا ان الناس تشوف احنا بنفهم فى ايه و يبقوا عارفين اننا فزاليك و بنفهم فى كل حاجه و مقطعين السمكه و ديلها....
و برده يا ريت نراعى حدود التعامل مابين الجنسين....
تلاقى واحد كاتب انا كان عندى صداع امبارح و تلاقى كل الناس "بنات و ولاد " داخلين يدعوله بالشفا,ما كل واحد يدعى فى سره ولا اصلا ما نكتبش حاجات شخصيه...
عشان كده انا بعترض على كتابه المواضيع الشخصيه,رغم انى كنت لسه كاتبه موضوعين شخصيين و دى غلطه و ان شاء الله مش ناويه اكررها تانى ابدا....
انا مابقولش للناس تكتب ايه و ماتكتبش ايه,كل واحد طبعا حر.....
بس انا بتشل لما ادخل تلات اربع مدونات ورا بعض و الاقيهم كلهم فيهم حاجات شخصيه ....
و اللى يغيظ اكتر تلاقى فى مدونات البنات اغلبيه اللى بيعلقوا ولاد و فى مدونات الولاد تلاقى اغلب اللى بيعلقوا بنات.....
و النبى بقى ده يتسمى ايه.؟؟؟ رخامه و لا استهبال ولا استعباط و لا ايه نظام الناس دى اصلا....
انا عارفه انى متعصبه و بكتب بطريقه مش لذيذه بس فعلا الموضوع ده ينرفز,و يقلك الانفتاح....
بلا انفتاح بلا بتاع بقى....
انا عندى افضل انى اننا نفضل منغلقين على ان يكون الانفتاح بالمنظر ده....
كنت فى مكان ما و كان الاستاذ\مينا زكرى كان بيقول شعر فى شباب الاخوان....
و كان بيحكى على انه ماكانش بيحبهم و بعد التدوين بقى يحبهم لانه اكتشف انهم شباب عادى جدا بيسمع اغانى و فى ولاد منهم بيرطبتوا بقتيات,,,,نااااااااااااااااااااااااااااعم؟؟؟؟ اغانى و فتيات؟؟؟
اللهم بارك, بقى ده يتسمى انفتاح ولا انحلال؟؟؟؟
انا كان هاين عليا ان الارض تنشق و تبلعنى و هو بيقول الكلام ده......
يعنى الحمد لله اتفضحنا و بقت الفضيحه بجلاجل و بتسمع اخر البلد.....
فاتقو الله فى نفسكوا و فى الفكر اللى انتوا شايلين اسمه.....
انا عارفه ان الموضوع كان عن حاجه فى الاول بس دخل فى مواضيع تانيه,معلش انا اسفه....
جزاكم على الاستماع...
أه هكتب لأنى عايزه كده.....
و فيها ايه يعنى؟؟؟؟هو لازم الواحد يكون بيكتب لهدف معين....
مش قظدى انى مايبقاش عندى رساله عايزه اوصلها بس انا مش عايزه احدد هدف معين لكتاباتى....
انا عايزه اكتب لانى بحب اكتب سواء كتاباتى دى عجبت الناس او ما عجبتهمش عنها ما عجبتهم....
اخويا دايما يقولى اكتبى اللى انتى عايزه تكتبيه مش اللى الناس عايزه تقراه.....
و انا فعلا مقتنعه بده....
ايه اللى يخلينى اقعد افكر فى انا عايزه اكتب ايه....
مادام انا ماعنديش افكار مش هخترع افكار....
لو ماكانتش الكتابه نابعه من القلب و من عقل صافى عمرها ماهتبقى حلوه و مؤثره و عمرنا ماهنعرف نوصل فكرتنا لو كنا بنكتب من غير ماتكون الكتابات دى فعلا نابعه من داخلنا....
و حاجه بس احب اقولها لكل اللى هيقرأ الموضوع ده: عدد التعليقات اللى بتبقى موجوده فى اى موضوع مش مقياس لمدى اهميه الموضوع او مقياس لإعجاب الناس بالموضوع او وصول رساله الموضوع اليهم....
فى ناس عندها مزاج انها ترد فى المواضيع مش لشئ غير انها فاضيه و مش هاين عليها انها تدخل مدونه و تطلع من غير ما ترد فيها...
و يا ريت و احنا بنكتب مواضيعنا يبقى تركيزنا على الهدف من الموضوع مش هدفنا ان الناس تشوف احنا بنفهم فى ايه و يبقوا عارفين اننا فزاليك و بنفهم فى كل حاجه و مقطعين السمكه و ديلها....
و برده يا ريت نراعى حدود التعامل مابين الجنسين....
تلاقى واحد كاتب انا كان عندى صداع امبارح و تلاقى كل الناس "بنات و ولاد " داخلين يدعوله بالشفا,ما كل واحد يدعى فى سره ولا اصلا ما نكتبش حاجات شخصيه...
عشان كده انا بعترض على كتابه المواضيع الشخصيه,رغم انى كنت لسه كاتبه موضوعين شخصيين و دى غلطه و ان شاء الله مش ناويه اكررها تانى ابدا....
انا مابقولش للناس تكتب ايه و ماتكتبش ايه,كل واحد طبعا حر.....
بس انا بتشل لما ادخل تلات اربع مدونات ورا بعض و الاقيهم كلهم فيهم حاجات شخصيه ....
و اللى يغيظ اكتر تلاقى فى مدونات البنات اغلبيه اللى بيعلقوا ولاد و فى مدونات الولاد تلاقى اغلب اللى بيعلقوا بنات.....
و النبى بقى ده يتسمى ايه.؟؟؟ رخامه و لا استهبال ولا استعباط و لا ايه نظام الناس دى اصلا....
انا عارفه انى متعصبه و بكتب بطريقه مش لذيذه بس فعلا الموضوع ده ينرفز,و يقلك الانفتاح....
بلا انفتاح بلا بتاع بقى....
انا عندى افضل انى اننا نفضل منغلقين على ان يكون الانفتاح بالمنظر ده....
كنت فى مكان ما و كان الاستاذ\مينا زكرى كان بيقول شعر فى شباب الاخوان....
و كان بيحكى على انه ماكانش بيحبهم و بعد التدوين بقى يحبهم لانه اكتشف انهم شباب عادى جدا بيسمع اغانى و فى ولاد منهم بيرطبتوا بقتيات,,,,نااااااااااااااااااااااااااااعم؟؟؟؟ اغانى و فتيات؟؟؟
اللهم بارك, بقى ده يتسمى انفتاح ولا انحلال؟؟؟؟
انا كان هاين عليا ان الارض تنشق و تبلعنى و هو بيقول الكلام ده......
يعنى الحمد لله اتفضحنا و بقت الفضيحه بجلاجل و بتسمع اخر البلد.....
فاتقو الله فى نفسكوا و فى الفكر اللى انتوا شايلين اسمه.....
انا عارفه ان الموضوع كان عن حاجه فى الاول بس دخل فى مواضيع تانيه,معلش انا اسفه....
جزاكم على الاستماع...
7 comments:
أنا معاكى فى معظم الكلام اللى انتى قولتيه
بس براحة شوية :)
اه انا لاحظت حاجة غريبة بتكتبيها فى معظم تدويناتك
انك بتقولى فى الاخر
وجزاكم
بس الكلمة دى بجد مبهمة جدا ياريت تكمليها
يعنى مين اللى هيجزينا وهيجزينا ايه
مفيش أحلى من
جزاكم الله خيرا
انا عارفة ان انتى قصدك تختصرى بس أظن يا سمية ان دا اختصار مخل بالمعنى
معلش انا خرجت عن الموضوع بس حاجة حبيت اقولها
بالنسبة للموضوع بصراحة انتى عندك حق جداااااااا
خصوصا التجاوزات اللى بين البنات والشباب
ربنا يكرمك
بس بلاش كلمة والنبي
ومبروك النجاح
وان شاء الله السنة الجاية تجيبى امتياز
مبرووووووووووووك يا سمسمة النجاح
وحشانى جدا والله
ممكن اعلق
انا مع حضرتك جدا جدا جدا بس الاسلوب اختى يفرق يعنى ممكن نقول كلام جميل جدا وباسلوبنا يزعل ناس او على الاقل يخليهم يعندوا اكتر يعنى ميبقاش نصيحة يبقى جدال ومراء وكده فالاسلوب مهم جدا فى توصيل الرسالة
انا فعلا اعيب على كتير من المدونين انفتاحهم العجيب كل مدونة نلاقى فيها اناشيد بموسيقة واللى حاطط اغانى فى حب مصر بالموسيقى واللى كاتب فى البروفايل بتاعه انه بيسمع فيروز ومش عارف مين بجد حاجة تنقط وانا كتبت بوست فى الموضوع ده وتقريبا فيه ناس قاطعتنى بعد البوست ده والحمد لله بس ميهمش
احنا ممكن ننفتح بس نتمسك بثوابتنا وبشخصيتنا طبعا ده اكيد وحكاية ان الواحد يكتب حاجات شخصية فانا كمان مبكتبش حاجات شخصية لان مين هيهتم بيا وهو ميعرفنيش ويزعل ليا بجد من قلبه ممكن يزعل او يفرح س برضه اعتقد ان الحاجات دى شخصية وليا بس
تحياتى
ممم بداية بارك الله فيك اختنا الفاضلة على الموضوع...
يمكن الواحد فرح جداً بزيادة عدد المدونات الاسلامية الى حد رهيب.. ولكن للاسف في رايي انها جائت عكسياً .. فبعض المدونين الاسلاميين والاخوان بدلاً حتى من ايصبح صفر اى لا يضيف جديداً.. اصبح يعمل بنتيجة عكسية ويقدم صورة مشوهة عن الملتزمين ظناً ان هذا هو الانفتاح وان الباقين رجعيين ومتخلفين ووووو
في رايي ان كل مدون اسلامي يكتب موضوعاً او تعليقاً يجب ان يراعي ان يضيف جديداً .. اما ان يكتب لمجرد ان الجميع يكتب فهذا يدل على ضعف في الشخصية وعلى ان هذا الشخص غير مؤهل اصلاً لان يكون صاحب تغيير...
كتبت منذ قرابة اسبوعين عن هذا اننا يمكن ان اجد مدوناً يدعي انه اسلامي يكتبلي قصة حياته وعمل ايه النهاردة وهيعمل ايه بكرة.. والفول بتاع النهاردة كان عامل ازاى.. ومراة جوز خال مراته قالتله ايه.. والاخت الي بتكبت عن الطبيخ بتاع النهاردة كان بسلة ولا كوسة ووو..
نعم المدونات في الاساس شخصية لكننا ندعي اننا اصحاب هدف وقضية ورسالة ..فيبنغي ان نعمل لها...وفي ظل ما يحدث لامتنا.. من العيب ان نتحدث عن اشخاصنا
براحه يا سمسم شويه .. الاسلوب مش كده .. انا لانى عارفاكى متقبله وجهه نظرك لكن فى ناس كتير مش تعرفك
عارفه تينجو
وانا بقرا الموضوع ده اتخيلت منظرك وانتي بتكلمي ...
وضحكت ...
لاني بحبك
طبعا انا متفقه معاكي في كل الكلام اللي قلتيه ... احنا فاهمين الانفتاح غلط
.................
بالمناسبة
مستنياكي في فرح نسيبة اختي يوم الجمعه اللي جايه
اوعي تروحي فرح خليده وابراهيم ...وتعالي فرجنا
احنا اللي حجزنا الاول
:)
يا أستاذة
أنا بس عاوز أوضح المعنى الذي قصدته في تلك المناسبة التي تحدثت فيها عن شباب الإخوان ومدحت انفتاحهم
أولا لم يكن القصد أختي العزيزة هو مدح انفلات أخلاقي على الإطلاق. فهذا أصلا غير مقبول لدي ولن أمدحه في آخرين
لقد رأيت فيمن عرفت من شباب الإخوان التزاما وأخلاقا حميدة ولكن الانفتاح المقصود لا علاقة له بالانحلال بل له علاقة بالانتاح على الآخرين من التيارات السياسية المختلفة والخلفيات الإيديولوجية والعقيدية المختلفة أيضا وهو أمر حميد بالطبع ويساعد الجماعة على الخروج من عزلتها وحصريتها. ويساعد على فهم الآخرين بشكل أكثر واقعية بعيدا عن الصور الذهنية الجاهزة في أذهاننا عن جماعة الإخوان المحظورة المتطرةف الإرهابية وما إلى ذلك من صور روجها الإعلام الحكومي على مدى عقود.
تعالي بقى لنقطتين أساسيتين ذكرتي إني أنا ذكرتهم وهما الاستماع إلى الأغاني والارتباط بالفتيات... أولا بالنسبة للأغاني...
لن أفتي فيما هو حلال وما هو حرام من أغاني ولكن الفن الجميل والراقي شيء والغناء المبتذل شيء آخر لا يمكنك مقارنة فيروز وهي تشدو للقدس زهرة المدائن مثلا بالعربجي بتاع العنب العنب! أو منير وهو يغني للحرية والسلام بالمخنث الذي يغني بحبك يا حمار!!
لن نختلف في رفضنا للغناء المثير للغرائز وأغاني العري وما إلى ذلك فجميعنا نرفض هذا العبث وهذه القاذورات... عندما تستمعين إلى فيروز ومنير فهذا أمر مختلف... وفي نفس الوقت لك الحق في ألا تستمعي لأي أغاني... ولكن بالنسبة لي أن أرى شبابا من الإخوان يستمعون للفن الجميل والراقي ويرون فيه جمالا وإبداعا فهذا شيء يجعلني أرى أنهم بشر عاديين وبيحبوا الجمال كما أن الله جميل ويحب الجمال... أيام الفن الجميل كانت الناس بتسمع يا أختي وتقول الله يعني ما كانش الغنا ده بيلهي عن ذكر الله!!
بالنسبة للارتباط بالفتيات... أحمد الله إني كنت واضح في كلامي وإنك نقلتي الكلمة صح... ارتباط! يعني لا هو تظبيط ولا هو انحلال! ارتباط يعني اتنين بيعجبوا ببعض ويختاروا يرتبطوا ببعض بناء على معطيات معينة والمفروض ينتهي الارتباط بالجواز... وكلمة ارتباط لا تحمل أكثر من معناها المباشر! فلا تحتمل علاقة عاطفية أو جسدية مبتذلة... بل علاقة محترمة بين اثنين راغبين في الزواج وما إلا بيتعرفوا على بعض أكثر في وسط الناس وف أماكن عامة وعادي يعني من غير ما يغلطوا ولا يتجاوزوا أي خطوط حمراء أي يعصوا ربنا في أي حاجة ومن غير طبعا ما يكون بينهم خلوة شرعية
أعتقد إنك فهمتي كلامي خطأ وكأني فرحان إن الإخوان شبابهم بقى منحل وهو ما لم أقصده ولم أعنه على الإطلاق بل بالفعل كنت أثني على انفتاحهم على الآخر... أما إذا كنتي لا تزالين ترين أن الانفتاح الذي قصدته هذا انحلالا فاسمحي لي هذا رأي متطرف
-------------
أعتذر لتأخري في الرد ولكنني اكتشفت هذا البوست بالصدفة البحتة فأحببت أن أرد عليه وأوضح مقصدي
-------------
رمضان كريم وكل سنة وانتي طيبة
Post a Comment