اكمل النقاط بمعرفتك
ليه الناس و هى ماشيه فى الشارع بنشوفها بترمى الورق و العلب على الارض؟؟؟
يا ترى هما بيرموها لانهم مش لاقين اماكن مخصصه لرميها؟؟؟
و لا هما مكسلين انهم يروحوا لحد المكان المخصص ليها؟؟؟؟
و لاهما مش عارفين انهم المفروض انهم يرموا فى اماكنها؟؟؟
او يمكن هما مش شايفينها؟؟؟؟؟
ولا يمكن مافيش اصلا اماكن مخصصه لرميها؟؟؟
اسئله كتيره جدا تدور فى ذهنى عندما ارى رجلا مهندما يلبس بدله كامله و كرافته "شيك" و الاقيه بيرمى ورقه من شباك عربيته او علبه سجاير او او او...
او الاقى واحده "شيك" ماشيه مع بنتها "الشيك" و ماشيين يقزقزوا لب و يرموا قشره على الارض,او يرموا المناديل اللى معاهم على الارض....
او الاقى طفل ماشى فى الشارع مع والدته و فى اى حاجه عايز يرميها و مامته تقوله ارميها جمبك يا حبيبى....
و نعم التربيه...
انا ببقى نفسى اعرف,هما فعلا ما بيبقوش عارفين ان دى حاجه غلط؟؟ولا بيبقوا عارقين و مطنشين؟؟ولا هما اتربوا على انهم يرموا الحاجات على الارض فى الشارع ,انما فى البيت مايصح نرمى حاجه على الارض....
و الاقى عربيه ماشيه و عليها بادج الجامعه,يعنى اللى راكبها ده دكتور جامعه محترم,و تلاقيه اول حاجه بيعملها انه يرمى ورق او مناديل من الشباك......
و الظاهره دى انتشرت فى وسط الملتزمين....
رغم انهم المفروض انهم "ملتزمين" يعنى ناس فاهمه صح.....
يعنى المفروض انهم بيميطوا الاذى عن الطريق و يعطوا الطريق حقه....
ده انا لو بس فكرت مجرد انى افكر انى ارمى ورقه لبانه على الارض ببقى حاسه انى برتكب جريمه .....
انا فى واحده ربنا يكرمها هى اللى خلتنى اكتب الموضوع ده,كل ما ابقى معاها فى مكان لازم تسيب بصمتها فى المكان ده و ترمى حاجه كانت معاها....
و المهم ان الناس ترجع تقولك الشوارع مش نضيفه و عمال النضافه دول بيعملوا ايه فى حياتهم....
و الجناين العامه شكلها يرعب.....
و المصيبه انهم بيبقوا هما السبب.....
و فى مصر قوى البهدله اكتر من قوى التنظيف......
فاتقوا الله فى الناس و فى بلدنا اللى خلاص وصلت لمرحل ما بعد الصفر..........يعنى بقت بالنيجاتيف.
بس و جزاكم :)
ليه الناس و هى ماشيه فى الشارع بنشوفها بترمى الورق و العلب على الارض؟؟؟
يا ترى هما بيرموها لانهم مش لاقين اماكن مخصصه لرميها؟؟؟
و لا هما مكسلين انهم يروحوا لحد المكان المخصص ليها؟؟؟؟
و لاهما مش عارفين انهم المفروض انهم يرموا فى اماكنها؟؟؟
او يمكن هما مش شايفينها؟؟؟؟؟
ولا يمكن مافيش اصلا اماكن مخصصه لرميها؟؟؟
اسئله كتيره جدا تدور فى ذهنى عندما ارى رجلا مهندما يلبس بدله كامله و كرافته "شيك" و الاقيه بيرمى ورقه من شباك عربيته او علبه سجاير او او او...
او الاقى واحده "شيك" ماشيه مع بنتها "الشيك" و ماشيين يقزقزوا لب و يرموا قشره على الارض,او يرموا المناديل اللى معاهم على الارض....
او الاقى طفل ماشى فى الشارع مع والدته و فى اى حاجه عايز يرميها و مامته تقوله ارميها جمبك يا حبيبى....
و نعم التربيه...
انا ببقى نفسى اعرف,هما فعلا ما بيبقوش عارفين ان دى حاجه غلط؟؟ولا بيبقوا عارقين و مطنشين؟؟ولا هما اتربوا على انهم يرموا الحاجات على الارض فى الشارع ,انما فى البيت مايصح نرمى حاجه على الارض....
و الاقى عربيه ماشيه و عليها بادج الجامعه,يعنى اللى راكبها ده دكتور جامعه محترم,و تلاقيه اول حاجه بيعملها انه يرمى ورق او مناديل من الشباك......
و الظاهره دى انتشرت فى وسط الملتزمين....
رغم انهم المفروض انهم "ملتزمين" يعنى ناس فاهمه صح.....
يعنى المفروض انهم بيميطوا الاذى عن الطريق و يعطوا الطريق حقه....
ده انا لو بس فكرت مجرد انى افكر انى ارمى ورقه لبانه على الارض ببقى حاسه انى برتكب جريمه .....
انا فى واحده ربنا يكرمها هى اللى خلتنى اكتب الموضوع ده,كل ما ابقى معاها فى مكان لازم تسيب بصمتها فى المكان ده و ترمى حاجه كانت معاها....
و المهم ان الناس ترجع تقولك الشوارع مش نضيفه و عمال النضافه دول بيعملوا ايه فى حياتهم....
و الجناين العامه شكلها يرعب.....
و المصيبه انهم بيبقوا هما السبب.....
و فى مصر قوى البهدله اكتر من قوى التنظيف......
فاتقوا الله فى الناس و فى بلدنا اللى خلاص وصلت لمرحل ما بعد الصفر..........يعنى بقت بالنيجاتيف.
بس و جزاكم :)
7 comments:
للاسف الناس اتعودت علي كدا
وشايفة اني اي حاجة في اديهم مكنها الشارع بي في نفس الوقت تعالي في مول ولا حاجة هل ممكن ترمي علبة العصير علي الارض في المول وانت ماشي
لا طبعاً هو زي الشارع اللي رميت فيه علبة عصير تانية وانا ماشي بالعربية
ففي بعد تاني وهو عمل المكان وتاثيرة النفسي
بيكون هو نفس البني أدم وليه سلوكين عشان المكان بيفرض عليه دا
مرة كنت ماشي في الزمالك مع صديق ليا ولقيته بيشد انتباهي لمجموعه من السياح ماسكين كل واحد كيس لب صغير اوي وبيقزقزو فيه في ايد والايد التانية فيها منديل
المهم اتكلمنا مع الناس دول شوية ووصفنلهم ازاي يتمشول لحد بعد المنعم رياض وكانت بنت منهم ليها ملحوظة ان مفيش باسكت في متناول اديها وهي ماشية في الشوراع او الميادين واعتبرت دا عيب تصميم
كان فى مره واحده صحبتى عزمت عليا بلب و احنا فى الشارع...
فمارضيتش اخد لب لانى مش معايا حاجه ارمى فيها القشر....
طبعا اتمسحت تريقه,و بقيت طبعا انا القنعوره اللى فيهم لانى ازاى مابرميش قشر اللب فى الشارع....
و كأن هو ده الطبيعى...
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الخميس 18/ 10 الساعه 5
بنادي المحامين بجليم كورنيش البحر الاسكندرية
بحضور وائل الابراشي وعصام العريان ونخبة من رموز الاحزاب
اعلن عنا في مدونتك
السلام عليكم ورحمة الله
سلمت يداكي على الموضوع
تعرفي
اصحابي كانوا دايما بيتريقوا عليا علشان دايما في شنطتي كيس
لو ما لقتش سة مهملات في طريقي ارمي احط فيه الورق والمناديل ولما اوصل البيت ارميه
شوية شوية
بقوا يحترموا الخصلة دي فيا وما بقوش بيرموا اي شيء على الارض في وجودي
:Dشكلهم بيخافوا مني
بس تعرفي اكتر شيء بيغظني
انك تلاقي سلة المهملات في الشارع والناس ترمي الزبالة جنبها
يعني هو كده كده وصل للباسكت مش هاين عليه يرمي الزبالة جواها
ربنا يهدي الجميع
اختى ربنا يبارك فيكى
بجد موضوع مهم جداً بس يغفل عنه كثير من الناس
انا بجد تخيلت ان لو فى شارع حيوي شوية وكل 20 واحد بيمشى فى الشارعى يرموا حاجة بتخيل شكل الشارع ده بليل
بجد هى محتاجة وعي شوية للناس
لان الناس مش بتلاقى اللى يقولها لأ
وحسبى الله ونعم الوكيل فاللى كان السبب
سلام عليكم
ازيك يا تنجو؟؟
هقولك على حاجه
اغلب الشعب بيرمى فى الارض من منطلق
" يعنى هى جت على ورقتى "
شايفين الدنيا مبهدله وان مش بالتزامهم البلد هتتغير
للاسف دى كارثه
ربنا مش هيغير البلد ويصلحها الا لو كل واحد بدأ بنفسه
بس لازم عون
انا شخصيا بفضل محتفظه بالورقه فى ايدى او فى الشنطه لحد اقرب باسكت
للاسف بتفضل معايا لحد ما اروح
مفيش صناديق متوفره
طب خلاص مش مشكله هحتفظ بيها فى شنطتى
طب لو ورقه شوكولاته مثلا هتبهدل الشنطه هعمل ايه ؟؟
بفضل ماسكاها
لحد ما بجد بيأس انى الاقى حاجه اقوم حاطاها على اى جنب وانا متأزمه جداااا
البلد متبهدله من ناحيتين
الشعب والحكومه ودورها المنحصر فى حاجات متصلحش البلد اساسا
بس برضو الشعب تأثيره اسوا على البلد...
"النظافة من الإيمان والقذارة من النسوان"... أو كما جاء في المثل :]
Post a Comment