Friday, October 17, 2008

نور


السلام عليكم و رحمة الله وبركاته



لما تلاقى البيت نور مرة واحدة

و تبقى فرحان قوى

و نفسك تروح البيت بسرعة

مش عارفة ليه

بس فى حاجة حلوة قوى فى البيت

عايز تلحق تقعد معاها اكتر وقت ممكن

هى دى

لما اخوك لا و مش اى اخ اخويا اللى فوق اللى فوقى علطول يبقى عنده بنت حلوة قوى و اسمها نور

اخويا ربنا رزقة ببنوته اسمها نور

انا مش عارفة انا متعلقة بيها قوى كده ليه

مش الطبيعى انى ابقى متعلقة قوى كده بطفل لسه مولود

او يمكن انا اللى نسيت

اصل اخر مرة كان عندنا بيبى كان من تلات سنين


يمكن اكون متعلقة بيها قوى كده علشان انا كنت مستنياها من زمان

مش عارفة

او يمكن علشان انا كنت متابعاها من اول ما مامتها بقت حامل فيها

و قاعدة بكلمها كل يوم و هى جوا بطن مامتها

مش عارفة بس بحبها قوى و عايزة اقعد اتفرج عليها طول اليوم

نورتى البيت يا نور

و عقبال يا رب لما تكبرى و تقعدى تقرفينى و انا بذاكر و تزنى فى ودانى

على الله يا نور لما تكبرى تحترمينى و تقوليلى يا عمتو

و مبروك عليكى رقم 9

انا بحبك قوى يا نور







at

6 comments:

  1. شروق الشوافOctober 18, 2008 at 5:14 PM

    نور

    حاسه أن في تقليد في الاسم...

    أنت عارفه نسيبة اختى ربنا رزقهابنور من اربع شهور وشوية...

    بارك الله لكم في المولود وشكرتم الواهب ورزقتم بره

    ReplyDelete
  2. اسماء العريــانOctober 19, 2008 at 8:32 PM

    مبروك يا بت يا سمية .. وعقبالك ;)

    ولا تقلقى اول لما تكبر مش هخليها تحترمك وهخليها تقلك يا بت يا سمية :p

    ReplyDelete
  3. مللت الصمتOctober 19, 2008 at 9:56 PM

    اصلها ناقصة

    شايفاهم قوى بيندهولى باسمى لما احلم انى اخليهم يقولولى يا عمتو لاو يا خاتلو ولا حتى ابيه انا راضية بيها



    ايه يا حجة شروق
    ما اللى سموا الاسم مش انا و ماهوش اعظم اسم فى التاريخ بس لما تشوفيها هتحسى انها حلوة قوى و لازم تتسمى نور

    ReplyDelete
  4. AnonymousOctober 22, 2008 at 1:22 AM

    حج سمسم

    بارك الله لكم في نور

    و شكرتك الواهب

    و رزقتم برها

    واحشني يا عم

    ReplyDelete
  5. مللت الصمتOctober 23, 2008 at 7:21 PM

    روعه؟؟؟

    منورة يا باشا و الله يا شيخة ده انا بحس انه حلم لما شوفك او اكلمك

    انتى فين يا حجة

    ReplyDelete
  6. AnonymousOctober 23, 2008 at 10:52 PM

    موجودة يا حج

    بس الزروف بقى

    الجهاز بقى و الحوارات دي انتي عارفة

    و الدنيا معنويا و نفساويا عمالة تضرب من كل حتة

    و بجد خلاص هنفجر

    ReplyDelete